سوتیلی ماں کی لڑکی سے شادی کرنا شرعاً کیسا ہے

السلام علیکم ورحمتہ اللہ وبرکاتہ

کیا فرماتے ہیں علمائے. کرام .مسئلہ ذیل میں کہ ہندہ کی ایک بیٹی ہے اور ہندہ نے دوسری شادی یعنی بکر سے کی ہے او بکر کے پاس پہلے سے ایک بیٹا ہے تو اب ہندہ کی جو پہلی بیٹی تھی جو پہلے شوہر سے تھا اور بکر کا ایک بیٹا جو پہلی بیوی سے تھی تو اب ان دونوں کی شادی کر رہا ہے یعنی بکر اپنے بیٹے سے ہندہ کی بیٹی سے شادی کروا رہا ہے تو اس طرح شادی کروانا کیسا ہے جواب عنایت فرمائیں مہربانی ہوگی 

سائل عبدالرحیم مدینہ محلہ مدھوپور جھارکھنڈ

____________________________________

وعلیکم السلام ورحمتہ اللہ وبرکاتہ 

الجواب بعون الملک الوھاب

صورت مسؤلہ میں نکاح جائز ہے اس صورت کے ساتھ کے ہندہ کا شوہر انتقال ہوگیا اور اس کی ایک بچی تھی بعد مدت ہندہ نے دوسرے مرد کے ساتھ شادی کیا اس مرد کے بیوی کا بھی ایک لڑکا ہے تو ان دونوں کے ساتھ نکاح جائز ہے۔فتاوی فیض الرسول میں ہے مدخولہ بیوی کی اولاد جو دوسرے شوہر سے ہو ان سے اپنی اولاد کےنکاح کرنے میں شرعاً کوئی خرابی نہیں جیسا کہ فتاوی عالمگیری جلد اول مصری ص 321 کی اس عبارت میں ظاہر ہے الاخ لاب اذاکانت له اخت من امه يحل لاخيه من ابيه ان يتزوجها كذا فى الكافى هذا اما عندى

وھکذا فتاویٰ فیض الرسول جلد اول صفحہ 571

سوتیلی ماں کی لڑکی سے نکاح کرنا جائز ہے ایسا ہی بہار شریعت حصہ ہفتم صفحہ 31 میں ہے کسی نے ایک عورت سے نکاح کیا اور اس کے لڑکے نے عورت کی لڑکی سے کیا، جو دوسرے شوہر سے ہے تو حرج نہیں یوہیں اگر لڑکے نے عورت کی  ماں سے نکاح کیا جب بھی یہی حکم ہے۔ عالمگیری۔

درمختار میں ہے بنت زوجة ابيه حلال اھ ج دوم ص 302۔

فتاویٰ فقیہ ملت ج 1 ص 403

احسن الفتاوی المعروف فتاویٰ خلیلیہ

سوتیلی ماں کی بیٹی سے کہ کسی اور کہ نطفہ سے پیدا ہوئی نہ کہ اپنے باپ سے اسے نکاح جائز ہے اگرچہ وہ اپنے باپ کی منکوحہ کی بیٹی ہے۔

رد المختار میں ہے لا تحرم ام زوجة الاب ولا بنتها

ج اول صفحہ 557

واللہ اعلم بالصواب

فقیر محمد امتیاز قمر رضوی امجدی عفی عنہ گریڈیہ جھارکھنڈ

الجواب صحیح والمجیب نجیح العبد ابوالفیضان محمد عتیق اللہ فیضی صدیقی یارعلوی ارشدی عفی عنہ

الجواب صحیح فقیرمحمد ابراہیم خان امجدی قادری رضوی عفی عنہ

الجواب صحیح فقیرمحمد اسماعیل خان امجدی قادری رضوی عفی عنہ

16/1/2021