السلام علیکم ورحمتہ اللہ وبرکاتہ
سوال👇👇👇👇👇👇👇👇👇👇?
کیا فرماتے ہیں علمائے دین و مفتیان شرع متین اس مسںٔلے میں کے زید لوگوں کے مسائل کے جواب بہت غلط بتاتا ہے اس کے بارے میں کچھ تفصیل جواب تحریر کریں حضرت آپ کی عین نوازش ہوگی؟
السائل_محمد شاہ رخ رضـا قادری سـوار ضلع رام پـور یوپی
___________________________________
وعلیکم السلام ورحمۃ اللہ وبرکاتہ
الجواب بعون الملک الوہاب
کوئی عالم ہے اور مسائل بتانے میں وہ کمال رکھتا ہے باوجود اسکے اگر کیہں سے خطا سرزد ہو جائے تو اسے معلوم ہونے پر حکم یہ ہے کہ فوراً رجوع کریں پر اگر اس کے اکثر مسائل غلط ہوتے ہیں تو اسے ظاہر ہے کہ فقہ کی کتابوں کا مطالعہ نہیں کرتا ہے اور مسائل میں بھی مہارت نہیں رکھتا زبردستی مسئلہ بتاتا ہے ۔ہاں اگر کوئی عالم دین ہے اسے اتفاقاً ایسی غلطی ہو جا رہی ہے یعنی کبھی کبھی ایسی غلطی ہو جاتی ہے اور بغیر بحث و مباحث کے رجوع کر رہا ہے تو اسے کوئی مواخذہ نہیں ہو گا ۔حدیث شریف میں ہے۔حضور صلی اللہ تعالی علیہ وآلہ وسلم کا فرمان ہے جو بغیر علم کے فتویٰ دیں گے خود بھی گمراہ اور دوسروں کو بھی گمراہ کریں گے رسالت مآب صلی اللہ تعالی علیہ وسلم یہ بھی فرمان مبارک ہے تم میں سے جو فتوی دینے میں زیادہ جرات کرے گا وہ جہنم میں جانے میں زیادہ جرات مند ہوگا۔یہ تمام بھی بطور استخراج ہے اور میں گمان کرتا ہوں کہ اس میں کوئی مخالفت نہیں کرے گا اللہ ہی ثواب کی طرف رہنمائی فرمانے والا ہے۔
صحیح مسلم باب رفع العلم قدیمی فتاویٰ رضویہ ج 10ص 458 جدید۔
البتہ اگر جان بوجھ کر بغیر علم کا مسئلہ بتاتا ہے تو وہ گناہ کبیرہ کا مرتکب ہے اس پر لازم ہے کہ توبہ کرے اللہ رسول صلی اللہ تعالی علیہ وسلم نے ارشاد فرمایا .
فرمودمن افتی بغیرعلم لعنته ملئكته السماء والارض۔جس نے علم کے بغیر فتوی دیا اس پر زمین وآسمان کے فرشتے لعنت کرتے ہیں
قال صلی اللہ تعالی علیہ وسلم اتخذ الناس رؤوسا جہالا فسئلوا فافتوا بغیر علم فضلوا واضلوا
حوالہ فتاویٰ رضویہ ج11 ص 490
واللہ تعالی اعلم
كتبه فقير محمد امتياز قمر رضوى امجدى عفى عنه گريڈيه جهاركهنڈ
الجواب صحیح فقیر محمد ابراہیم خان امجدی قادری رضوی عفی عنہ بلرام پوری
الجواب صحیح فقیر محمد اسماعیل خان امجدی قادری رضوی عفی عنہ گونڈہ یوپی
15/1/2021جمعہ
کوئی تبصرے نہیں:
ایک تبصرہ شائع کریں