السلام علیکم ورحمۃ اللہ وبرکاتہ
السوال۔کیا فرماتے ہیں علمائے دین۔ کہ زید کسی کا دل دکھایا تھا یعنی کسی خاتون سے کچھ وعدہ کیا تھا اب وہ پورا کرنے سے پہلے انتقال کر گئے اب وہ خاتون زید کو برا بھلا کہتی ہے اس کو سمجھانے کے بعد اب وہ توبہ کر لی ہے جاننا یہ ہے اس خاتون پر شریعت کا کیا حکم لگے گا کہ مردے کو برا بھلا کہتی تھی جواب عنایت فرمائیں۔
سائلہ رضویہ۔۔۔۔۔
___________________________________
وعلیکم السلام ورحمتہ اللہ وبرکاتہ
الجواب بعون الملک الوھاب
صورت مستفسرہ میں خاتون کو حق نہیں برا بھلا کہنے کا کسی کے اوپر حکم چلانا حاکم کا کام ہے موت کے بعد سزا دینے یا برا بھلا کہنے کا کوئی اختیار نہیں خاتون سے زید نے کچھ وعدہ کیا تھا اور وعدہ پورا کرنے سے پہلے انتقال کر گیا تو خاتون کو چاہیے زید مرحوم کے حق میں برائے ایصال ثواب قرآن خوانی وغیرہ کردےتاکہ اجر و ثواب ملے نہ کہ برا بھلا کہے ۔سنن نسائی کتاب الجنائز میں ہے سرکارِ دوعالم صلی ﷲ تعالٰی علیہ وسلم فرماتے ہیں لاتسبوا الاموات فانھم قد افضوا الی ماقدموا
رواہ احمدوالبخاری والنسائی عن ام المؤمنین الصدیقۃ رضی ﷲ تعالٰی عنہا
مردوں کو برا مت کہو کہ وہ اپنے کیے کو پہنچ چکے،اسے امام احمد اور نسائی نے ام المومنین صدیقہ رضی اللہ تعالی اللہ عنہا سے روایت کیا
سنن النسائی کتاب الجنائز المکتبہ السلـفیہ لاہور ١/٢٢٢
حضور صلی اللہ تعالی علیہ وسلم ارشاد فرماتے ہیں اپنے مردوں کو یاد نہ کرو مگر بھلائی کے ساتھ کہ اگر وہ جنتی ہیں تو برا کہنے سے تم کو گنہگار ہوں گے اور اگر دوزخی ہیں تو انہیں وہ عذاب ہی بہت جس میں وہ ہیں
ایسے نسائی نے حضرت صدیقہ رضی اللہ تعالی عنہا سے بسند جید روایت کیا
سنن النسائی کتاب الجنائز
سنن ابوداؤدمیں ہے حضور صلی اللہ تعالی علیہ وسلم ارشاد فرماتے ہیں۔جب تمہارا ساتھی مرجائے تواسے معاف رکھو اور اس پر طعن نہ کرو۔ اسے ابوداؤد نے ام المومنین صدیقہ رضی ﷲ تعالٰی عنہا سے بسند صحیح
سنن ابوداؤدباب فی النہی عن سب الموتی مطبوعہ آفتاب عالم پریس لاہور ٢/٣١٥
فتاویٰ رضویہ جلد 9میں ہے ۔سزا دینا توحاکمِ شرح کا کام ہے ہرکس وناکس کو اُس کا اختیار نہیں اور موت کے بعد تو سزا دینے کے کوئی معنی ہی نہیں، سزا درکنار موت کے بعد بُرا بھلا کہنے سے رسول ﷲ صلی ﷲ تعالٰی علیہ وسلم نے منع فرمایا
ص 167 جدید
واللہ تعالی اعلم باالصواب
کتبہ فقیر محمد امتیاز قمر رضوی امجدی عفی عنہ گریڈیہ جھارکھنڈ
الجواب صحیح فقیر محمد ابراہیم خان امجدی قادری رضوی عفی عنہ بلرامپوری
18/1/2021/
کوئی تبصرے نہیں:
ایک تبصرہ شائع کریں